Sunday, May 13, 2007

သူမတို့ နှစ်ယောက်

ကျွန်မဘ၀တွင် သံသယ ရှိစရာမလိုသော အောင်မြင်မှု တစ်ခုကား ရှိခဲ့ပါသည်။ ယင်းမှာ ကျွန်မနှင့် သူတို့၏ ဆက်ဆံရေးပင်ဖြစ်ပါသည်။ သူနှင့် အနှစ်သုံးဆယ်ကျော် ပေါင်းသင်းခဲ့သည့် ကာလ၌ ကျွန်မတို့သည် တစ်ညသာ ခွဲခွာခဲ့ကြဖူးပါသည်။ ထိုမျှ နှစ်ပေါင်းများစွာ အတူတူ နေထိုင်ခဲ့ကြသော်လည်း ကျွန်မတို့ နှစ်ယောက်သည် တစ်ဦး၏ စကားတွင် တစ်ဦး စိတ်ဝင်စားမှု လျော့ပါးခြင်း မရှိခဲ့ကြပါ။ ကျွန်မတို့ နှစ်ယောက်သည် တစ်ယောက်ပြောသည့် စကားကို တစ်ယောက် အလေးအနက် စိတ်ဝင်စားစွာ နားထောင်ကြသည်ဟု အမျိုးသမီး မိတ်ဆွေ တစ်ယောက်က မှတ်ချက်ချဖူးပါသည်။ သိုိ့တိုင်အောင် ကျွန်မတို့ နှစ်ယောက်သည် တစ်ဦး၏ အတွေးများကို တစ်ဦးက ဝေဖန်ထောက်ပြခြင်း၊ ရှင်းလင်းအောင် အတည်ပြုပေးခြင်း စသည်တို့ လုပ်ခဲ့သည့် အခါများလည်း ရှိပါသည်။ ကျွန်မတို့တွင် တူညီသော အမှတ်ရစရာတွေ ရှိပါသည်။ တူညီသော ဉာဏ်ရည် ရှိကြပါသည်။ တူညီသော အတိတ် ရုပ်ပုံလွှာတွေ ရှိကြပါသည်။ ကျွန်မတို့ နှစ်ဦးသည် တူညီသော လက်နက်တန်ဆာ ပလာများဖြင့် ကမ္ဘာလောကကြီးကို နားလည်အောင် ကြိုးစား ဆုပ်ကိုင်ခဲ့ကြပါသည်။ တူညီသော ဘောင် အတွင်းတွင် ရပ်ခဲ့ကြပါသည်။ တူညီသော မှတ်ကျောက်ဖြင့် စစ်ဆေးခဲ့ကြပါသည်။ ကျွန်မတို့ နှစ်ယောက်သည် စကားပြောလျှင် တစ်ယောက်က ၀ါကျ အစကို ပြောပြီး တစ်ယောက်က ၀ါကျကို အဆုံးသတ် ပေးတတ်ပါသည်။ တစ်ယောက်ယောက်က မေးခွန်းတစ်ခုကို မေးလိုက်လျှင် ကျွန်မတို့ အဖြေများသည် တစ်ထပ်တည်း ကျနေတတ်ကြပါသည်။ စကားတစ်ခွန်း၊ အာရုံတစ်ခု၊ အရိပ်အမြွက် တစ်စ ရလိုက်သည်နှင့် ကျွန်မတို့ နှစ်ယောက်သည် တစ်လမ်းတည်း သွားနေသည်ကို တွေ့ရတတ်ပါသည်။ နိဂုံးတစ်ခုတည်းသို့ ရောက်နေတတ်ကြပါသည်။ ထိုအဖြစ်သည် အခြားသူ တစ်ယောက်အနေဖြင့် နားလည် နိုင်ဖွယ်ပင် မရှိပါ။ ´´



ကျွန်တော့် အိပ်ထဲမှာ စောင်ပြီးဖတ်ရတဲ့ ဆရာမြသန်းတင့်ရဲ့ `ရေပွက်ပမာ´ စာအုပ် အမှာစာမှ ပြင်သစ် စာရေးဆရာမ ဆီမွန်ဒီဗူးဗွား (Simon De Beauvoir) နဲ့ သူမရဲ့ (ခင်ပွန်းလို့ မပြောပါ) ရာသက်ပန် မိတ်ဆွေ ယန်းပေါဆာ့တ် (Jean-Paul Sarte) တို့ရဲ့ ဆက်ဆံရေး (Relationship)ပါ။ ဒီစာအုပ် အကြောင်းနဲ့ သူတို့ နှစ်ဦး အကြောင်းကို နောက်မှပဲ ရေးဦးပါမယ်။ အခုတော့ လိုရင်း ပေါ့သွားမှာ စိုးလို့ပါ။

2 comments:

Phyo Wai Kyaw - 5/14/07, 5:07 PM

ဆက်ရေးပါဦး.. စောင့်ဖတ်နေပါ့မယ် :)

Anonymous - 8/14/08, 12:16 AM

tHEN?

Post a Comment

Many thanks for dropping a comment…

Film