Tuesday, May 01, 2007

တစ်လပြည့်အလှူ

အစကတည်းက သမီးလေးမွေးနေ့ တစ်လပြည့်ရင် ဘုန်းကြီးကျောင်းမှာ လှူမယ်လို့ စိတ်ကူးထားတယ်။ ကံကောင်းချင်တော့ ကဆုန်လပြည့်နေ့နဲ့ သမီးမွေးနေ့ တစ်လပြည့် တိုက်နေတယ်။ ၂ ပတ်ကျော်ကျော် လောက်တည်းက ဘုန်းကြီးကျောင်း သွားပြီး ရက်ယူပေမဲ့ နေ့ဆွမ်းက ဦးထားပြီးသား ဖြစ်နေတယ်။ ဒါနဲ့ အရုဏ်ဆွမ်းပဲ လှူဖို့ရက် ရလိုက်တယ်။

ဒီမှာကလည်း ကဆုန်လပြည့်နေ့ (Vesak Day) ကတော့ Holiday ပါ။ ဒါပေမဲ့ သူတို့ ပြက္ခဒိန်မှာက နားမလည်နိုင်လောက်အောက်ပဲ မေလ ၃၁ ရက်နေ့ ဖြစ်နေတယ်။ Hindu ပြက္ခဒိန်များလား မသိဘူး။ မေလ ၁ ရက်နေ့ (အင်္ဂါနေ့)က ရုံးပိတ်တာရယ် ကဆုန်လပြည့်နေ့ (ဧပြီ ၃၀ ရက်)က တနင်္လာနေ့ ဆိုတော့ ၄ ရက်နားရအောင် ဟိုးအစောကတည်းက ကိုယ်က ခွင့်ယူထားပေမဲ့ တစ်ခြားသူတွေကတော့ ယူကြမယ်လို့ မထင်ထားပါဘူး။ ဒါပေမဲ့လည်း ရက်က ကောင်းနေတာနဲ့ ရုံးဖွင့်ရက်ကြီးမှာပဲ လုပ်လိုက်တယ်လေ။

စနေနေ့မှာ ဘုန်းကြီးကျောင်း တစ်ခေါက် ထပ်သွားပြီး Confirm လုပ်ပါတယ်။ ဘုန်းကြီးက ၇နာရီမှာ စ ဘုန်းပေးတယ်၊ ကိုယ်တိုင်ချက်မှာလား ဘာလား မေးမြန်းပါတယ်။ ဘုန်းဘုန်းကို ကျောင်းမှာ ကိုယ်တိုင် လာချက်လို့ ရလားမေးတော့ ရတယ်ဆိုတာနဲ့ ခွင့်တောင်း ထားလိုက်တယ်။ အစတုန်းကတော့ Order မှာမလို့ Peninsula Plaza မှာ သွားမေးတော့ မုန့်ဟင်းခါးဆို အနည်းဆုံး လူ ၇၀ စာကနေ စချက်ပေးတယ်တဲ့၊ တစ်ယောက်စာကို ၃ S$ တဲ့၊ သယ်ခက ၃၀ တဲ့၊ ၂၄၀ လောက်ကျမယ်ပေါ့။ နောက်တော့ မေကြီးက ရွှေတောင် ခေါက်ဆွဲ ကျွေးချင်တယ်ဆိုတော့ ကိုယ့်ဘာသာကိုပဲ ချက်ဖို့ လုပ်ပါတော့တယ်။ ဘုန်းကြီးက အာဂန္တုတွေ အပါအ၀င် ၁၅ ပါးလောက်ရှိတယ်၊ ကိုယ့် အိမ်သားကလည်း ၅ ယောက်၊ ဖိတ်ထားတာက ၁၅ ယောက်လောက်ဆိုတော့ အယောက် ၅၀ စာမှန်းပြီး ချက်ဖို့လုပ်တယ်။

ခေါက်ဆွဲက ၅ ပိဿာ (၈ ကီလို)၊ ကြက်ကလည်း ၈ ကီလို (၄ ကောင်နဲ့ ရင်ပုံ ၃ခု) ၀ယ်ရတယ်။ ကြက်သားက ဆိုင်မှာပဲ အရိုးထွင်းခိုင်းလိုက်တယ်။ အိမ်ရောက်တော့ ကိုအောင်နိုင်ဦးနဲ့ နှစ်ယောက်သား လှီးရတယ်။ သ်ိပ်မကြာပါဘူး၊ ၁ နာရီခွဲလောက်ပါပဲ။ ကြက်သွန်ကြော်က ကြော်ထားပြီးသားပဲ ၀ယ်လိုက်တယ်။ သံပုရာသီးက ၁ ကီလို၊ ပဲမှုန့် အကျက်၂ ထုပ်၊ ငရုပ်သီးအကျက် ၂ ထုပ်၊ ကြက်သွန်မိတ်၊ အုန်းနို့ စတာတွေ ၀ယ်တယ်။ အချိုပွဲနဲ့၊ သစ်သီးပွဲ အားလုံး ၀ယ်တာမှ ၂၀၀ လောက်ပဲကုန်တယ်။

တနင်္ဂနွေနေ့ ညနေ ၅နာရီလောက်မှာ ပစ္စည်းတွေ အကုန် သယ်ပြီး ဘုန်းကြီးကျောင်းကို သွားကြတယ်။ ဘုန်းကြီးကျောင်းမှာက မီးဖိုချောင်က ကျယ်လည်းကျယ်တယ်။ ကောင်းလည်းကောင်းတယ်။ ကောင်းတယ်ဆိုတာ Gas မီးဖိုတို့ ရေတို့ကောင်းတယ် ပြောတာ။ အိုးအကြီးစားတွေလည်း ရှိတယ်။ အိမ်မှာတော့ ဘယ်လိုလုပ် ရှိပါ့မလဲ။ ကျောင်းရောက်တာနဲ့ အိုးတစ်လုံနဲ့ ဆီသတ်တယ်၊ နောက်အိုးတစ်လုံးနဲ့ ကြက်ရိုးပြုတ်ဖို့ ရေတည်တယ်။ ဆီထဲကို အိမ်ကကြိတ်လာတဲ့ ကြက်သွန်ဖြူနဲ့ ဂျင်းနဲ့ထည့် မွှေထားတယ်။ မွှေးလာ ကျက်လာမှ ငရုပ်သီးမှုန့် ထည့်၊ ခဏနေတော့ လှီးထားတဲ့ ကြက်သားတွေထည့်ပြီး မွှေတယ်။ ဆားတို့၊ အချိုမှုန်နည်းနည်း၊ ငံပြာရည်တွေထည့်တယ်။ ကြက်သွန်ကြော်တွေကို ချေပြီးထည့်တယ်။ ပြီးတော့ အနှစ်ဖြစ်လာတဲ့အထိ (ကြက်သားတွေလည်း မကျေအောင်) မွှေတယ်။ တစ်ချိန်တည်းမှာပဲ ကြက်ရိုးတွေ ပြုတ်ထားတယ်။ မီးကကောင်းတော့ ကြက်ပြုတ်အိုးက အဆင်ပြေတယ်။ ၁ နာရီခွဲ ကျော်ကျော်လောက်မှာ ချက်တာတွေ ပြီးသွားတယ်။ ကိုယ့် အလှူအတွက် ချက်ပြီးတော့ သူများအလှူက ကျန်တဲ့ ကြာဆံချက်တို့၊ ထမင်းဟင်းတို့ စားပြီးမှ အိမ်ပြန်တယ်။ ဘုန်းကြီးကျောင်းသားလေးတွေက ဟင်းအိုးတွေကို သူတို့ အသေအချာ သိမ်းပေးမယ်ဆိုမှပဲ မေကြီးလည်း စိတ်ချပြီးထားခဲ့တယ်။

အိမ်မ၀င်ခင် ဈေးတစ်ခေါက် ၀ယ်သေးတယ်။ အချိုပွဲ အတွက်ရယ် လိုတာတွေရယ်ပါ။ ညဖက်မှာ ကျောက်ကျော ကြိုတယ်။ အုန်းနို့နဲ့ မဟုတ်ဘူး။ သီးစုံ အချိုရည်နဲ့။ ကျောက်ကျော ကြိုတာလည်း လွယ်ပါတယ်၊ ကျောက်ကျောမှုန့်ထုပ်က ဒီမှာ ၀ယ်လို့ရတယ်လေ။ အိတ်မှာပါတဲ့ အညွှန်းအတိုင်း ရေကျို၊ သကြားထည့်၊ ကျောက်ကျောမှုန့်ထည့်၊ ချခါနီးတော့ အချိုရည်(အပြစ်ရည်) နည်းနည်းထည့်၊ ဗန်းထဲထည့် အအေးခံထာရုံပဲ။ ကျွဲကောသီးက ရွှေတောင်ခေါက်ဆွဲ စားပြီးရင်လိုက်တော့ ရှာဝယ်ထာရတယ်။ ညကတည်းက ကျွဲကောသီးခွာထားတယ်။

မနက်ကျတော့ မေကြီးတို့က ကျောင်းကို စောစော သွားတယ်။ စောစောဆိုပေမဲ့ ကျောင်းတံခါးက ၅း၃၀ မှ ဖွင့်တာဆိုတော့ အဲ့ဒီကျမှ သွားတာ။ ဟင်းတွေဘာတွေ နွှေး၊ သစ်သီးတွေဘာတွေ ခွာ၊ အချိုပွဲ ပြင်ဖို့ပါ။ ဟိုရောက်တော့လည်း ကျောင်းသားလေးတွေကို အပ်လိုက်တော့ သူတို့ကပဲ လုပ်ပေးပါတယ်။ မတောက်တို့ လင်မယားကလည်း အစောကတည်းက ရောက်နေတာဆိုတော့ ကူပါတယ်။ ကိုယ်ကတော့ ၇ နာရီထိုးခါနီးမှ သွားပါတယ်။ ခလေးနဲ့ အပြင်ထွက်တာ ပထမဆုံးဆိုတော့ (ဆေးခန်းသွားတာကလွဲရင်) ပြင်ရဆင်ရတာနဲ့ ဆိုတော့ နည်းနည်းနောက်ကျသွားတယ်။ ဘုန်းကြီးကိုလျှောက်ပြီး ၅ မိနစ်၊ ၁၀မိနစ်လောက် စောင့်နေရသေးတယ်။

ရောက်တာနဲ့ ဘုန်းကြီးတွေကို ကပ်ပါတယ်။ နေ့ဆွမ်းလိုတော့ သီလပေးတာတွေ၊ တရားဟောတာတွေ၊ ရေစက်ချတာတွေ မပါပါဘူး။ ဆရာတော်ကြီးကတော့ ရွှေတောင်ခေါက်ဆွဲ ဘုန်းမပေးပါဘူး၊ ကျန်းမာရေးအတွက်ပါ။ ပဲကြာဆံကို Carrot နဲ့ Broccoli နဲ့ ပြုတ်စားပါတယ်။ ရွှေတောင်ခေါက်ဆွဲကလည်း စားရတာ နည်းနည်းတော့ လက်ဝင်ပါတယ်။ ပြင်ပေးတုန်းက အုန်းနို့ကို ဘုန်းဘုန်းတွေနဲ့ မတည့်မှာ စိုးလို့ မထည့်ပေး၊ ကြက်ပြုတ်ရည်ကိုလည်း မုန့်ဖတ်တွေ ပွမှာစိုးလို့ မထည့်ပေးလိုက်ပါဘူး။ အဲတော့ သိက္ခာကြီးတဲ့ ဘုန်းကြီး ၂ ပါး၊ ၃ပါးလောက်က ပြင်ပေးတဲ့ အတိုင်းပဲ စားသွားပါတယ်။ ကျန်တဲ့ ဘုန်းကြီးတွေကို ဟင်းရည်ဆမ်းဖို့၊ အုန်းနို့ ထည့်ချင်ရင် ထည့်ဖို့ လိုက်ပြောရပါတယ်။ ဘုန်းဘုန်းတွေလည်း ဘုန်းပေးပါတယ်။ အလုပ်ရှုပ်နေတာနဲ့ပဲ တစ်ပါးစီကို ၀တ္ထုလှူဖို့ လုပ်လာတာတောင် မေ့သွားသေးတယ်။ နောက်မှပဲ ကျောင်းက ဘုန်းဘုန်းတစ်ပါးကို အကုန်အပ်လိုက်ရတယ်။ ဘုန်းကြီးတွေက အရုဏ်ဆွမ်းဘုန်းပေပြီးတော့ ကျောင်းပတ်ဝန်းကျင် တံမြက်လှည်းကြပါတယ်။ ဆရာတော်ကြီးကိုယ်တိုင်လည်း လုပ်ပါတယ်။

ပြီးတော့ အိမ်ကလူတွေ စားကြပါတယ်။ ဧည့်သည်ဆိုလို မတောက်တို့ လင်မယားပဲ ရှိပါသေးတယ်။ နောက်မှ တစ်ချို့တွေလာကြပါတယ်။ များသောအားဖြင့်က ရုံးသွားရမှာဆိုတော့ မလာနိုင်ကြပါဘူး။ ၇ယောက်၊ ၈ယောက် လောက်ပဲလာပါတယ်။ လပြည့်နေ့ဆိုတော့ တရား၊ သီလလာယူတဲ့ ပုဂ္ဂိုလ်တွေကို ကျွေးလိုက်ရတာတော့ အမြတ်ပါပဲ။ ၁၀နာရီလောက်ထိ စောင့်ပြီးပြန်လာပါတယ်။ အိမ်မှာ စားဖို့့ပြန်ယူလာလိုက်သေးတယ်။ ကျန်တာတွေတော့ ကျောင်းမှာ ထားခဲ့ပါတယ်။ (ကိုယ့်လိုပဲ) အကြောင်းသိတဲ့လူတွေကတော့ ကျောင်းလာတုန်း နောက်ဖေးဝင် Check လို့ရှိရင်တော့ စားရမှာပေါ့။ ဧည့်သည် နည်းတာက လွဲရင် ကျန်တာတွေအားလုံး ချောချောမွေ့မွေ့ပါပဲ။ ကဆုန်လပြည့်နေ့မှာ သံဃာတွေ၊ သီလစောင့်တဲ့သူတွေကို ကျွေးလိုက်ရတော့ ပီတိဖြစ်ရပါတယ်။ ဒီအလှူကိုလည်း အားလုံးကြားကြားသမျှကို အမျှပေးဝေပါတယ်။

အားလုံးကြားကြားသမျှ........အမျှ ... အမျှ....အမျှ....ယူတော်မူကြပါကုန်....

အလှူဓါတ်ပုံများကို ဒီမှာကြည့်နိုင်ပါတယ်။

3 comments:

PaySi - 5/2/07, 9:46 PM

သာဓု ... သာဓု... သာဓု...
ဤသို့ပြုရ ကုသိုလ် ဒါန ကြောင့် .... သားသားလေးတွေ မီးမီးလေးတွေ တပုံကြီးနဲ့ ကိုယ်ရော စိတ်ပါ ပျော်ရွှင်ချမ်းသာ တဲ့မိသားစုလေး ဖြစ်ပါစေ....

Andy Myint - 5/2/07, 11:02 PM
ကျေးဇူးပါပဲ။ သားသမီးတွေ တပုံကြီးတော့ မဖြစ်ပါရစေနဲ့။ ၂ ယောက် ၃ ယောက်လောက် ကျွေးမွေးနိုင်ရင်ပဲ ကံကောင်းလှပါပြီ။
ှSong Lay - 8/4/12, 7:01 PM

ကိုင်း...လိုရာစုပြည့်စေ.....

Post a Comment

Many thanks for dropping a comment…

Film