Monday, June 11, 2007

Andymedes' Principle

(ဒီ Post ကို သူမပြောတဲ့ အတိုင်းကို ကျွန်တော်က နည်းနည်း ဖြည့်ပြီး ရေးထားပါတယ်။)

Archimedes' Principle တွင် ဤကဲ့သို့ ဆို၏။
``ရေထဲရှိ အရာဝတ္ထု၏ အလေးချိန်သည် ယင်းက နေရာယူလိုက်သော ရေ၏ အလေးချိန်
လျော့နည်းနေပေမည်
´´

Andymedes' Principle ကတော့ ဤသို့ ဆို၏။
``ပေါင်ချိန်စက်ပေါ်ရှိ ကလေး၏ အလေးချိန်သည် ယင်းကို ချီထားသော သူ၏ အလေးချိန်
ပိုနေပေမည်။
´´

ဒီလိုပါ။ ကလေး ငယ်သေးရင် ကလေးရဲ့ ကိုယ်အလေးချိန်ကို စောင့်ကြည့်နေရတယ်လေ။ မွေးကင်းစ ကလေးတွေအတွက် ပေါင်ချိန်စက်က ကလေးကို လှဲထည့်ထားဖို့ ဗန်းကလေးပါတယ်။ ဒါပေမယ့် အိမ်တွေမှာ ကလေးချိန်တဲ့ ပေါင်ချိန်စက်တော့ ဘယ်ရှိနိုင်ပါ့မလဲ။ ကျွန်တော်တို့ အိမ်မှာလည်း မရှိပါဘူး။ ဒါပေမယ့် အိမ်မှာတော့ လူကြီးတွေ ချိန်တဲ့ဟာတော့ ရှိပါတယ်။ အပျင်းပြေချိန်ဖို့ရော၊ ကျန်းမာရေးအတွက် ချိန်ဖို့ရောပါ။ ဒါပေမဲ့ သမီးလေးကို ချိန်ဖို့ကျတော မလွယ်ပါဘူး။ အဲဒါနဲ့ ချိန်ချင်ရင် ပေါင်ချိန်စက်ပေါ်ကို စာအုပ်ထူထူ တစ်အုပ် အရင်တင်။ ပြီးမှ ကလေးရေချိုးတဲ့ ဇလုံကြီးတင်တယ်။ ဇလုံက ပေါင်ချိန် (ဒိုင်ခွက်)ကို ကွယ်လို့ စာအုပ် အရင်တင်ရတာ။ ၂ခုပေါင်း အလေးချိန်ကို မှတ်။ ကလေးကိုတင်ပြီး မှတ်ထားတဲ့ အလေးချိန်ပြန်နှုတ်။ ရှုတ်နေတာပဲ။ လေကြောင်းခရီး သွားရင် Luggage တွေကို ဒီလိုပဲ ချိန်နေကျဆိုတော့ အကျင့်ပါသွားတာ။

အဲလိုနဲ့ တစ်နေ့ ကလေးကို ဆေးသွားစစ်ရတယ်။ တခြားကိစ္စ တစ်ခုအတွက်ဆိုတော့ သူတို့ပြောတဲ့ ဆေးခန်းမှာပဲ စစ်ရတယ်။ အဲဒီ ဆေးခန်းကလည်း များသော အားဖြင့် လူကြီးတွေ စစ်တာဆိုတော့ ကလေးပေါင်ချိန်စက် မရှိပါဘူး။ ဒါပေမယ့် နာစ်မလေးက အကြံကောင်းတော့ ကျွန်တော့်ကို ကလေးချီခိုင်းပြီး ပေါင်ချိန်စက်ပေါ် အရင်တက်ချိန်ခိုင်းပါတယ်။ ပြီးမှ လူကြီးချည်းပဲ တက်ပြီး ချိန်။ ပြီးတော့ ပြန်နှုတ်ပြီး ကလေးရဲ့ ပေါင်ချိန်ကို တွက်တာပါ။ ဟင်း... အဲဒီကျမှပဲ ကျွန်တော်တို့ ငတုံးလင်မယားလည်း နှစ်ယောက်သား ကြည့်ပြီး ရယ်နိုင်တော့တယ်။ ဒီလိုလုပ်လဲ ရတဲ့ဟာကို ကျွန်တော်တို့မှာ ရွှေဥာဏ်တော် စူးရောက်ပုံများ။

ဒါကြောင့် ဒီအဖြစ်လေးကို ဝေမျှလိုက်ရတာပါ။ သူများတွေကတော့ ကိုယ်လို အတွေးခေါင်မှာ မဟုတ်ပါဘူး။ ကျွန်တော်တို့ အဖြစ်ကို သိရအောင်ပါ။ ဒါပေမဲ့ ကလေးရဲ့ ကိုယ်အလေးချိန်က ရွှေချိန်လိုပဲလေ။ Point ဂဏန်းလောက်ကလည်း အရေးကြီးတော့ Digital Scale ဆိုရင်တော့ ပိုကောင်းပါတယ်။

အဲဒါကို ကျွန်တော်က လူတတ်ကြီးလုပ်ပြီး Andymedes' Principle ဆိုပြီး တင်လိုက်တာပါ။

3 comments:

Anonymous - 6/12/07, 12:11 PM

It is funny and good to read, Andymedes.. eh .. Andy

sawphonelu - 6/12/07, 11:57 PM

အခုမှ အစပဲ ရှိသေးတယ်။ နောက်ဒီိထက် ထပ်တွေ့ ဦးမယ်။ နာမည် ကောင်းကောင်းပေးဖို့စဉ်းစားထား။

imaginary clouds no2 - 6/13/07, 12:27 PM

လင့်ခ အသစ်တွေချိတ်ထားတာတွေ့ရတယ် Andy ။ တောင်ကြီး သို့--- က ဓါတ်ပုံတွေနဲ့ဆိုတော့ ကျနော်လည်းကြိုက်တယ်

Post a Comment

Many thanks for dropping a comment…

Film