Monday, June 18, 2007

ကျွဲအုပ်လို မိသားစု

Google Pages တွေ `ထောင်´ တုန်းကတော့ ဒါလေးကို ရေးဖူးတယ်။ တကယ်တော့ ဒီ Joke က Internet ပေါ်မှာ အလွယ် ရှာလို့ ရပါတယ်။ အခုတစ်ခါ Blog မှာ ပြန်စုမိအောင်ရယ်၊ ကိုယ်နဲ့ကိုက်တာမို့ ကြိုက်လို့ မြန်မာလိုပါ ပြန်ပြီး ရေးလိုက်တယ်။

ခင်ဗျား.....ကျွဲအုပ် တစ်အုပ်ကို စိတ်ထဲမှာ မြင်လိုက်။ မြန်မာပြည်က ကျွဲအုပ်ကိုတော့ မမြင်နဲ့ပေါ့။ မြန်မာပြည်က ကျွဲအုပ်က ငြိမ်းချမ်းတယ်၊ လုံခြုံတယ်လေ။ ကျွဲကျောင်းသားရဲ့ ပုလွေသံလေးတောင် ကြားရဦးမယ်။ Discovery Channel ထဲက Wild Life Program ထဲက ကျွဲအုပ်ကို မြင်လိုက်ပါ။ အဲဒီ ကျွဲတစ်အုပ်ဟာ သူတို့ထဲက အနှေးဆုံးသွားတဲ့ အကောင်လောက်ပဲ သွားလာနိုင်ကြတယ်ဗျ။ အဲဒီတော့ .... ဒီကျွဲအုပ်ကို ကျားလိုက်ခံရတဲ့ အခါ နောက်ဆုံးမှာ ကျန်ခဲ့တဲ့ အနှေးဆုံးအကောင်၊ အားအနည်းဆုံးကောင်ဟာ ကျားဆွဲခံရပါရော။ သဘာဝတရားအရ ဒီလိုဖြစ်ရတာ တကယ်တမ်းကျတော့ ကျွဲအုပ်အတွက် ကောင်းပါတယ်။ ဒီလို အနှေးဆုံး အညံ့ဆုံး အကောင်တွေ အစားခံလိုက်ရတော့ ကျွဲအုပ်ဟာ ခါတိုင်းထက် မြန်မြန် ပိုပြီး သွားလာနိုင်လာတာပေါ့။ ဒီလိုနည်းနဲ့ ကျွဲအုပ်ဟာ မြန်ဆန် တိုးတက် လာတာပေါ့ကွ။´´
ဘီယာသောက်ရင်းနဲ့ မူးမူးနဲ့ ကိုစောဖုန်းလူက ဒီလို အာလုပ်သံကြီးနဲ့ ဆိုလာပါတယ်။ အဲဒီတော့ ကိုမိုးတိမ်ကလည်း သူ့စတိုင် အတိုင်း မျက်မှန်ကို လက်ညှိုးနဲ့ဆရင်း တွေးတွေး လေးလေးပြောလာပါတယ်။
ဟုတ်တယ်ဗျ။ လူ့ဦးနှောက်ကလည်း အဲဒီလိုပဲ။ လူတစ်ယောက်ရဲ့ ဦးနှောက်ဟာ သူ့ရဲ့ အနှေးဆုံး ဦးနှောက်ဆဲလ် အလုပ် လုပ်နိုင်သလောက်ပဲ တွေးနိုင်တယ်ဗျ။ နောက်ပြီး ခင်ဗျားတို့ သိတဲ့ အတိုင်း အရက်တွေ ဘီယာတွေသောက်လို့ ရှိရင် ဦးနှောက်ဆဲလ်တွေ ပျက်စီးနိုင်တယ်လေ။ ထုံးစံအတိုင်း အားအနည်းဆုံး ဦးနှောက်ဆဲလ်တွေက အရင် ဖျက်စီးခံရတာပေါ့။ အဟမ်း... ပြန်သုံးသပ်ကြည့်မယ်ဆိုရင် ကျွန်တော်တို့ ဒီလို ဘီယာကို ပုံမှန် သောက်ပေးရင် အသုံးမကျတဲ့ ဦးနှောက်ဆဲလ်တွေကို ခေါင်းထဲက ဖယ်ပြီးသား ဖြစ်သွားတော့ ကျွန်တော်တို့ ဦးနှောက်တွေ ပိုကောင်းလာတာဖြစ်ရမယ်။ အခုတောင် ကျွန်တော့် အတွေးတွေ၊ ကဗျာတွေ ကွန့်မြူးနေတယ်ဗျာ´´
ကိုမိုးတိမ်က ဒီလိုဆိုလာတော့လည်း ကျွန်တော်က ဒီလိုပဲ Blog တွေမှာ အချင်းချင်း ပတ်ပြီး ထောက်ခံနေကျဆိုတော့ အမြန်အဆန် အပြည့်အ၀ ထောက်ခံလိုက်ပါတယ်။ ဒီလိုနဲ့ သောက်သောက် စားစား မူးပြီး တစ်ယောက်ကလည်း မိန်းမက SMS(Text) တိတ်တိတ် ပို့လာတာနဲ့၊ တစ်ယောက်ကလည်း မိန်းမနဲ့ GTalk ချိန်းထားလို့ ဆိုပြီး သူတို့တွေ ပြန်သွားတော့ ကျွန်တော် တစ်ယောက်ထဲ ရီရီဝေေ၀နဲ့ အတွေးတွေထဲ ကျန်ခဲ့ပါတယ်။
ကျွန်တော်တို့ နှစ်ဖက် မိသားစုဟာလည်း ကျွဲအုပ်လိုပါပဲ။ အထူးသဖြင့် နှစ်ဖက် ညီအစ်ကို မောင်နှမတွေပါ။ သူတို့တွေ တော်သလောက်၊ ကောင်းသလောက်ပဲ ကျွန်တော်တို့ လင်မယားလည်း ဖြစ်ထွန်းပါတယ်။ တကယ်ဆို ကျွန်တော်တို့ နှစ်ယောက် အခုဆို ဒီထက်ပို ပေါက်ရောက်နေပါပြီ။ ဒါပေမယ့် ကျွန်တော်တို့ လူခံမရှိဘဲ သူတို့တွေ အတွက်က (နိုင်ငံခြားကို လာပြီး) ရုန်းကန်ဖို့ ခက်ပါတယ်။ ကျွန်တော်တို လင်မယားက ဒီမှာ အခြေချပြီး တစ်ယောက်ပြီး တစ်ယောက်ခေါ်မှ သူတို့ အတွက် အဆင်ပြေမှာပါ။ ကျွဲအုပ်လို ကျားအဆွဲခံပြီး မြန်အောင်လုပ်လို့ကလည်း မိသားစုဆိုတော့ မဖြစ်ပြန်။ အဲဒီတော့ သူတို့ကိုပဲ Speed Up လုပ်ပေးရပါတယ်။ လမ်းကြောင်း ချပေးရပါတယ်။ Knowledge Upgrade လုပ်ပေးရပါတယ်။ မ-တစ်ရာသား မဟုတ်ဘဲ တစ်မိသားစုထဲက ပေါက်ဖွားလာတာတောင် တစ်ယောက်နဲ့ တစ်ယောက်က လုပ်နိုင်အား၊ လိုက်နိုင်အား၊ ကံ၊ ဥာဏ် မတူကြပါဘူး။ ကံ၊ ဥာဏ် နဲ့ အခြေခံ သာတဲ့သူက အရင်လာနိုင်ပါတယ်။ ဘယ်လိုပဲ ဖြစ်ဖြစ် ဒီညီအစ်ကို မောင်နှမတွေ မဖြစ်ထွန်းရင် ဒီမိဘတွေပဲ စိတ်မချနိုင်မှာဆိုတော့ ကုသိုလ်ရပါတယ်။ လက်ငင်းလည်း အကျိုးပေးပါတယ်။ ရောက်လာတဲ့သူတွေက နောက်လူတွေကို ဆက်ကြည့်တော့ ကျွန်တော်တို့ နှစ်ယောက်လည်း ၀န် ပေါ့သွားတာပေါ့။ ခလေးတွေဘာတွေ ယူနိုင်တော့တယ်။ တကယ်ပါပဲ ကျွန်တော်တို့ နှစ်ယောက်ရဲ့ မိသားစုတွေဟာ ကျွဲအုပ်လိုပါပဲ။´´
တကယ်တော့ လုပ်ဇာတ်ပါ။ ဆွဲသွင်းစရာ မရှိလို့ Blog သူငယ်ချင်းတွေကို ဆွဲသွင်းထားတာ။ သက်ဆိုင်ရာ အိမ်ထောင် ရှင်မများ တကယ်လို့ ဒီ Blog ကို ဖတ်မိရင်၊ ကိုယ့် ယောက်ျားတွေ Blog အကြောင်းပြပြီး Beer ၀ိုင်းဖွဲ့ နေတယ်မထင်ကြပါနဲ့။ အခုမှ ၀ိုင်း ဖို့ကြံနေတုန်း...

3 comments:

imaginary clouds no2 - 6/19/07, 12:31 AM

andy ဒီပိုစ့် ကို ကျနော် သဘောကျပါတယ်။ ဆက်ရေးပါ ကျနော် စောင့်ဖတ်နေပါတယ်။

imaginary clouds no2 - 6/19/07, 1:14 AM

ကျနော် ဘဘော့ကို andy ပို့စ မှာ လင့်ခ လုပ်ပေးထားတာကို အခုမှတွေ့တယ် ။ ကျေးဇူးပဲဗျာ

sawphonelu - 6/19/07, 11:57 PM

တော် သေး တာ ပေါ့ ကွာ ။ အောက်က terms and conditions လေး ပါ လို့ ။

Post a Comment

Many thanks for dropping a comment…

Film