Thursday, June 21, 2007

Generic and Brand

ဒီ Post ဟာ ကြားဖူးတာကို ရေးထားတာပါ။ Reference လုပ်ဖို့ မဟုတ်ပါဘူး။ ဒီ Post မှာ အမှား ပါခဲ့သည်ရှိသော် တာဝန်မယူပါဘူး။ ပြင်ပေးရင် ကျေးဇူးတင်ပါတယ်။

တလောက Vaseline အကြောင်း ရေးတုန်းက ``Vaseline ဆိုတာ Brand ပါ။´´လို့ဆိုပြီး ကွေကာအုတ် Brand နဲ့ ဥပမာပေး ပြောဖူးပါတယ်။ အဲဒီတုန်းက လမ်းကြောင်းချော် သွားမှာ စိုးလို့ အကျယ်တ၀င့် မရေးလိုက်ရပါဘူး။ Generic နဲ့ Brand ဆိုပြီး ၂ မျိုး ရှိပါတယ်။ ဥပမာ Cola အရည်။ Cola လို့ ဆိုလိုက်တာနဲ့ လူတိုင်းက Gas ထည့်ထားတဲ့ (Carbonated) အမည်းရောင် အချိုရည်ကို ပြေးမြင်ကြတယ်။ Cola ဆိုတာ Generic ပါ။ Coca Cola ရှိတယ်၊ Pepsi Cola ရှိတယ်၊ မြန်မာပြည်မှာ Star Cola ဆိုတာ ရှိတယ်၊ Andy Cola ဆိုပြီး မရှိဘူး မပြောနိုင်ဘူး ရှိလာနိုင်တယ်။ အဲဒါကြောင့် Coca-Cola ကို Coke ဆိုပြီး Brand တပ်ထားတယ်။

Generic နဲ့ Brand ကို လူတွေ သိတာ၊ ခေါ်ရတာ (Refer လုပ်ရတာ) သန်တာ မတူကြပါဘူး။ ယေဘုယျအားဖြင့်တော့ Generic ကို အသုံး (အခေါ်) များပါတယ်။ Brand က သိပ်ပေါက်သွားရင်၊ အရမ်း အောင်မြင်သွားရင်တော့ Brand ကို Generic အမှတ်နဲ့ ခေါ်ကြပါတယ်။ ဥပမာ Vaseline(Brand) လိုမျိုး။ မြန်မာပြည်မှာဆို ကွေကာအုတ်(Brand) လိုမျိုး။ နေရာ ဒေသပေါ် မူတည်ပြီးတော့လည်း Brand နဲ့ Generic အသုံး ကွာပါတယ်။

မြန်မာပြည်က လူတွေက Paracetamol လို့ဆိုလိုက်တာနဲ့ ဖျားရင် သောက်တဲ့ ဆေးလို့ တန်းသိပါတယ်။ Paracetamol ဆိုတာ Generic Name ပါ။ အဲဒီ ဆေးထဲမှာ ပါတဲ့ ဓာတ်ပေါင်း (Molecule) နာမည်ပါ။ ဒီ Molecule ကို Acetaminophen လို့လည်းခေါ်ပါတယ်။ အမေရိကားက လူတွေကတော့ Paracetamol လို့ဆိုရင် လူတိုင်း မသိနိုင်ပါဘူး။ Tylenol လို့ဆိုလိုက်ရင်တော့ ဖျားရင်၊ ခေါင်းကိုက်ရင် သောက်တဲ့ ဆေးလို့ သိနိုင်ပါတယ်။ စင်္ကာပူမှာ၊ Aussie မှာတော့ Panadol ပေါ့။

ထပ်ပြီး ရှုပ်လိုက်ဦးမယ်။ ဆေးလောက (Pharmaceutical / Drug) မှာ Generic ကို ခုနက ပြောတဲ့ Molecule ဆိုတာနဲ့ အဓိပ္ပါယ်တူယူ သုံးပါတယ်။ Panadol ရဲ့ Generic က Paracetamol ပါ။ ဆေးပြားတစ်ပြား ကိုင်ပြီး Generic ဘာလဲလို့ မေးရင် ဘာ Molecule နဲ့ လုပ်ထားတာလဲလို့ မေးတာပါ။ ဒါကလည်း Chemist တွေ Scientist တွေက ဆေးတစ်ခု စမ်းသပ်ပြီး အောင်မြင်ရင် အလွယ်ပဲ Molecule နာမည်ကို ပေးလိုက်လို့ပါ။ နောက်မှ ထုတ်လုပ်တဲ့ သူတွေက နာမည် လှလှ ဒါမှမဟုတ် ခေါ်ရလွယ်တဲ့ နာမည် ပေးလိုက်တာပါ။ Viagra လိုမျိုးပါ။

Vaseline ကတော်သေးတယ်။ Brand ကနေ အစွဲကြီးစွဲပြီး Generic ဖြစ်သွားတာ။ ဒီလိုမျိုး ဆေးလောကမှာ Brand ကနေ Generic လုံးလုံးဖြစ်ပြီး Molecule ပါထပ်ဖြစ်သွားတာ ရှိပါသေးတယ်။ Aspirin ပါ။ အကိုက်အခဲ၊ အဖုအယောင်၊ ခေါင်းကိုက် ပျောက်ဆေးပါ။ သွေးကျဲဆေးပါ။ Aspirin က Brand ပါ။ သူမှာပါတဲ့ Molecule က Acetylsalicylic Acid။ Aspirin က နာမည်ကြီးလွန်း၊ သုံးလွန်းလို့ ဒီလို ဆေးတွေကို Aspirin လို့ပဲ ခေါ်ပြီး သူ့မှာပါတဲ့ Acetylsalicylic Acid ကိုလည်း Aspirin လို့လည်းခေါ်ကြတယ်။ မြန်မာဆေး တစ်ချို့မှာ Aspirin တွေကို အမှုန့်ကျိတ်ထည့်တယ်တော့ ကြားဖူးတယ်။

တစ်ခါ ထပ်ပြီး Generic Drug ဆိုတာ ရှိသေးတယ်။ Paracetamol ကို ဆေးပြားလုပ်ပြီး ဘာတံဆိပ်မှ မတပ်ဘဲ ရောင်းရင် Generic Drug ပါ။ အဲဒါကို Panadol လို့ တံဆိပ်တပ်ရောင်းရင် Brand ပါ။ Generic Drug က Brand ထပ် ဈေး အမြဲတမ်း သက်သာပါတယ်။ အပေါ်ယံ ကြည့်မယ်ဆိုရင်တော့ ရှင်းပါတယ်။ နာမည် လှလှတပ် Packing ကောင်းကောင်းထုပ်ထားလို့ ဈေးကြီးတာပေါ့။ များသောအားဖြင့်တော့ Generic ပဲဖြစ်ဖြစ် Brand ပဲဖြစ်ဖြစ် အာနိသင် အတူတူပါပဲ။ ဆရာဝန်တွေကလည်း မတတ်နိုင်တဲ့ သူတွေကို Generic ပဲ သောက်ဖို့ ညွန်းပါတယ်။ မြန်မာပြည်မှာ အသည်းရောင်(B) အတွက်ဆေး Zeffix ဆို GSK (GlaxoSmithKline) က ထုတ်တဲ့ဆေးက တစ်လစာ တစ်ကဒ်ကို ၁ သိန်းကျော်လို့ India က Generic Drug တွေကို ဆရာဝန် တချို့က ညွန်းပါတယ်။ တစ်ကဒ်လုံးမှ ၅၀၀၀ လောက်ပဲ ပေးရတာကိုး။ ဒါပေမယ့် ဒီလို ဆေးအပြင်းစားတွေက Brand ကနေ Generic ကို ပြောင်းမသုံးသင့်ပါဘူး။ ဆေးချိန်နည်းနည်း ကွာတာနဲ့ အာနိသင်နဲ့ ဘေးဆိုးက ကွာသွားလို့ပါ။ အသည်းရောင်ဘီဆေးမှာ ပါတဲ့ Generic ဖြစ်တဲ့ Lamivudine က ဆေးချိန်များသွားရင် AIDS အတွက် သောက်တဲ့ ဆေးဖြစ်သွားပါတယ်။

အာနိသင်လည်း အတူတူ။ ကြီးကြီးကျယ်ကျယ် Branded ဆို Branded မှလည်း မဟုတ်ဘူးဆို လူတိုင်းက Generic ပဲ ၀ယ်သောက်ကြတော့မှာပေါ။ ဒါပေမယ့် တချို့ဆေးတွေက Brand ပဲ ရှိပါတယ်။ Generic Drug ထုတ်ခွင့် မရှိသေးပါဘူး။ Patent ကြောင့်ပါ။ ဆေးကုမ္ပဏီတွေက ဆေးတစ်မျိုး (ထားပါတော့ Cancer ဆေး) ထုတ်ဖို့ Research တွေ အများကြီး လုပ်ရပါတယ်။ ငွေသန်းပေါင်းများစွာ၊ အချိန်များစွာ ရင်းရပါတယ်။ သူတို့က ရှာဖွေတွေ့ရှိသွားတော့ တိတ်တိတ်လေး နေပြီး ဆေးကို ထုတ်လုပ် ရောင်းချလို့ မရပါဘူး။ ဒီဆေးဟာတော့ဖြင့် ပျင်းလို့ မဆေးဘဲ ပစ်ထားတဲ့ ပန်းကန်ပေါ်မှာ ပေါက်တဲ့ မှိုကထုတ်တဲ့ဆေးတို့၊ လမ်းဘေးမှာပေါက်ပြီး အလွယ်ရနိုင်တဲ့ မြက်ကို ကြိတ်ပြီးလုပ်ထားတာတို့ ပြောရပါတယ်။ ဘာ Molecule နဲ့ လုပ်ထားတာလည်း ပြောရပါတယ်။ အဲဒီလိုလည်း ပြောလိုက်ရော အားလုံးက အလွယ် အညွန့်ခူးစားပြီး လိုက်ထုတ်တော့မှာပေါ့။ အဲဒါဆို ဘယ်သူကမှလည်း Hero ကြီးလုပ်ပြီး Research လုပ်တော့မှာ မဟုတ်ပါဘူး။ ဒါဆို ဘယ်ဆေးမှလည်း ရှာဖွေတွေ့ရှိတော့မှာ မဟုတ်ပါဘူး။ အဲဒါကြောင့် ဆေးဝါးအသစ်ဆိုရင် Research လုပ်ပြီး ရှာဖွေတွေ့ရှိထားတဲ့သူ (ဒါမှမဟုတ် သူက မူပိုင်ခွင့်ရောင်း၊ ခွင့်ပြုထားတဲ့သူ) ကပဲ နှစ်အပိုင်းအခြား တစ်ခုအထိ တစ်ဦးတည်း မူပိုင် ရောင်းချခွင့် ပြုထားရပါတယ်။ သူကြိုက်တဲ့ဈေးနဲ့ ဈေးနှုန်း အတော်အတန်ကြီးကြီး ရောင်းချခွင့်ရှိပါတယ်။ သက်ဆိုင်ရာကတော့ စောင့်ကြည်တာပေါ့။ အဲဒီလို ဈေးကြီးကြီးနဲ့ ရောင်းချလို့ တလောက ထိုင်းနိုင်ငံမှာ ပြဿနာ ဖြစ်တာပေါ။ ဘာဆေးလဲတော့ မမှတ်မိတော့ပါဘူး။ AIDS ဆေးလား မသိဘူး။ ဆေးကုမ္ပဏီတွေက Branded ဆေးတွေကို ဈေးလျှော့ မရောင်းရင် Generic ဆေးတွေ ထုတ်လုပ် ရောင်းချခွင့် ပြုမယ်လို့ ကိုယ်ကျိုးစီးပွား ကာကွယ်ပိုင်ခွင့်နဲ့ဆိုလာပါတယ်။ ထိုင်းအစိုးရနဲ့ ဆေးကုမ္ပဏီတွေ အကြား အခုထက်ထိ ညှိနေကြတုန်းပါပဲ။

တစ်နိုင်ကနေ တစ်နိုင်ငံသွားလာရင် ဆေးဝယ်ချင်တဲ့ အခါ Generic ကို သိထားရင် ပို အဆင်ပြေပါတယ်။ အမေရိကားရောက်ရောက်၊ အော်ဇီရောက်ရောက် ဆေးဆိုင်မှာ Paracetamol လို့ပြောလိုက်ရင် သင့်တော်တဲ့ ဆေး ပေးပါလိမ့်မယ်။ ဆေး Packing တိုင်းမှာလည်း Generic ကို ဖော်ပြရတော့ သိရဖို့ မခဲယဉ်းပါဘူး။

တကယ်တော့ ကျွန်တော်က IT သမားပါ။ IT သမားတို့ ထုံးစံအတိုင်း IT တစ်ခုတည်းသိရုံနဲ့ မရပ်တည်နိုင်ပါဘူး။ Domain Knowledge လို့ခေါ်တဲ့ ကိုယ် IT Support ပေးမယ့် (Software ရေးမယ့်) လောက အကြောင်းသိမှ ရပ်တည်နိုင်ပါတယ်။ ကျွန်တော်က ဒီ Domain (Pharmaceutical Domain) ထဲမှာ ကြာပြီဆိုတော့ ဒီအကြောင်းတွေကို သိထားရပါတယ်။ Pharmacist တွေလိုတော့ ဘယ် Brand က ဘယ် Generic ပါတယ်ဆိုတာ အလွတ်သိစရာမလိုပေမယ့် Brand နဲ့ Generic Concept လောက်ကိုတော့ သိထားရပါတယ်။ IT သမားများ ဒီစာကို ဖတ်မိခဲ့သော် .. စင်္ကာပူမှာ Hot အဖြစ်ဆုံး Pay အများဆုံး Domain ကတော့ Financial Domain ပါ။ စ၀င်ဝင်ချင်း Financial Domain ကိုရောက်အောင် လုပ်ပါ။ Domain တစ်ခုထဲမှာ နေတာ အကောင်းဆုံးပါ။ တစ်သက်လုံး Programming လုပ်နိုင်မှာမှ မဟုတ်တာ။

ဒီ Post ဟာ ကြားဖူးတာကို ရေးထားတာပါ။ Reference လုပ်ဖို့ မဟုတ်ပါဘူး။ ဒီ Post မှာ အမှား ပါခဲ့သည်ရှိသော် တာဝန်မယူပါဘူး။ ပြင်ပေးရင် ကျေးဇူးတင်ပါတယ်။

5 comments:

Yangon-Thu - 6/21/07, 10:01 PM

Andy ရေ.. ဒီပို့စ်ကို ဖတ်ရတာ စိတ်ဝင်စားဖို့ကောင်းပါတယ်။ ဗဟုသုတလည်း ရတယ်။ ဖြစ်နိုင်ရင် Financial Domain အကြောင်းကိုလည်းပြောပြပေးပါလား။

imaginary clouds no2 - 6/22/07, 12:58 AM

ဆေးအကြောင်း လုံး-------------ဝ မသိတဲ့ ကျနော် အတွက်တော့ တော်တော်ဗဟုသုတရတယ် ။ ဆက်ရေးပါ ဘိုးတော် ။

Andy Myint - 6/22/07, 1:46 AM
ကျေးဇူးပါ။ Fainancial Domain ကတော့ ကိုယ် မကျွမ်းကျင်တဲ့ အရာဆိုတော့ ရေးဖြစ်မယ် မထင်ပါဘူး။
လုံး-------------ဝ မသိတာကနေ နည်းနည်း သိသွားတယ်ဆိုတော့ ရေးရတာ လုံး-------------ဝ တန်ပါတယ်။
kingkaung - 6/23/07, 5:12 PM

ဘာကြောင့် Financial domain ဟာပေးအများဆုံးလို့ programmer တွေ အတွက် တစ်ထစ်ချ ပြောနိုင်ရပါသလဲ...
bank တွေမှာ အလုပ်လုပ်တဲ့ programmer တွေ လခများများ ရလို့ပါလား...

Andy Myint - 6/24/07, 12:47 PM
ကိုကင်းကောင်ရဲ့ အမေးကို ဒီမှာ ပြန်ဖြေထားပါတယ်။

Post a Comment

Many thanks for dropping a comment…

Film