Tuesday, June 26, 2007

နို့ပူ နို့အေး


ကျွန်တော်တို့ မူလတန်းတုန်းက ရပ်ကွက်ထဲမှာ စက်ဘီးနဲ့ လာရောင်းတဲ့ ကုလားဆီက နို့အစိမ်းကို အမေက ၀ယ်ပြီး ကျိုတိုက်ပါတယ်။ ``ကလင်… ကလင်´´နဲ့ ကုလားလာရင် နွားနို့ ၅၀ ကျပ်သား ၀ယ်၊ ကျိုထားပြီး ညဖြစ်ဖြစ် မနက်မိုးလင်းရင်ဖြစ်ဖြစ် သောက်ရပါတယ်။ ပူပူနွေးနွေးနဲ့ မလိုင်တက်နေတဲ့ နို့ဟာ သောက်လို့ ကောင်းပေမယ့် ကလေးဘာသာဘာဝ မသောက်ချင်ပြန်တော့ အမေကပဲ နို့တိုက်ဖို့ကို စောင့်ကြည့်နေရပါတယ်။ အလယ်တန်း ရောက်ပြန်တော့ နို့စိမ်းပုလင်းတွေ ခေတ်ထလာပါတယ်။ အဲဒီတော့ နို့စိမ်းပုလင်းတွေကို စတိုင်လုပ်ပြီး သောက်ပါတယ်။ ``အားရှိတယ်ကွ..´´ဆိုပြီး ၀ယ်သောက်ကြပါတယ်။ အထက်တန်း ရောက်တော့ လက်ဘက်ရည်ဆိုင် ထိုင်ရင် တစ်ခါတစ်ခါကျရင် (အထူးသဖြင့် ညနက်နေရင် ဒါမှမဟုတ် ထိုင်တဲ့ဆိုင်က နို့ကောင်းရင်) လက်ဘက်ရည် မသောက်တော့ဘဲ နွားနို့ပူပူကို ဆားနဲ့ဖြစ်ဖြစ် သကြားနဲ့ဖြစ်ဖြစ် သောက်ပါတယ်။ အရွယ်ရောက်လာတော့ နိုင်ငံရပ်ခြားမှာနေတော့ နို့က Pasteurized နို့အေး ဖြစ်သွားပြန်ရော။ များသောအားဖြင့်တော့ ဒီအတိုင်းပဲသောက်တယ်။ တစ်ခါတစ်လေ စိတ်လိုလက်ရရှိရင်၊ ဒါမှမဟုတ် သူမနဲ့ နှစ်ယောက်သား ထိုင်သောက်ကြရင် သူက အအေးကြီး မသောက်တတ်တော့ Microwave ထဲ ထည့်နွှေးပြီးမှ သောက်ပါတယ်။ Microwave နဲ့ နွှေးထားတာ ကျိုထားတာလောက်တော့ မကောင်းပေမယ့် ပူပူလေးသောက်ရတာပေါ့။ ပြီးတော့ ဘာဖြစ်လို့လဲမသိ Microwave နဲ့ နွှေးပြီးရင် သကြားနည်းနည်းထည့်မှ သောက်လို့ကောင်းတယ်။ ကျွန်တော့်အတွက် နို့သောက်တာတောင် အသက်အရွယ်နဲ့လိုက်ပြီး အပူ၊ အအေး ပြောင်းတတ်ပါလား..

သမီးလေးကျတော့လည်း နို့ဆို နွေးမှကြိုက်ပါတယ်။ အမေနို့ဆိုရင် နွေးနွေးလေးဆိုတော့ သူကြိုက်ပါတယ်။ ဒါပေမဲ့ အမေပေါ်မှာ နို့သောက်ရတာ အမေ့ကိုယ်ငွေ့ကြောင့်ရော၊ သူကအားထုတ်ပြီး စုပ်ရတာကြောင့်ရော မောပြီး ပူလို့ ချွေးတွေ ထွက်လာရင် စိတ်တိုတတ်တော့ ကြာကြာ မစို့နိုင်ပါဘူး။ အစက သူနို့စို့နေရင် ကျွန်တော်က ယပ်ခတ်ပေးပါတယ်။ ဒါပေမယ့် ချွေးတွေနဲ့ကို ယပ်ခတ်ပေးတော့ နှာစေးသလို ဖြစ်ရော။ နှာတော့ မစေးပါဘူး၊ နှာခေါင်းပိတ်တာပါ။ အဲဒါနဲ့ မခတ်ပေးတော့ပါဘူး။ နို့ဘူးကျတော့ အေးအေးဆေးဆေး စို့ပါတယ်။ အစတုန်းကတော့ လူကြီးပေါ်မှာ ချီထားပြီး တိုက်တာပါ။ အခုတော့ သူက အောက်မှာ အိပ်ပြီးစို့တတ်လာတော့ အောက်မှာလည်း သောက်ပါတယ်။ နို့ဘူးကျတော့ ကြိုမဖျော်ထားဖြစ်တာနဲ့ ကလေးကလည်း အရမ်းသောက်ချင်နေပြီး လက်ကျန်ကလည်း နည်းနည်းပဲ ကျန်တော့ရင် အမြန် ပြေးဖျော်ရပါတယ်။ ရေနွေးကတော 24x7 အဆင်သင့်ရှိပါတယ်။ ခက်တာက ဖျော်ဖျော်ပြီးချင်းမှာ အရမ်းပူနေတာပါ။ အစကတော့ ရေသန့်နဲ့ ရောဖျော်ပါတယ်။ ဒါပေမဲ့ အိမ်မှာက Tap Water ကိုပဲ စစ်သောက်တာဆိုတော့ ရေသန့်ဘူးက ကလေးအတွက်ပဲဖြစ်ပြီး တစ်ဘူးဆို တော်တော်နဲ့ မကုန်ပါဘူး။ ၂ ရက်လောက်နေတော့ ရေသန့်ဆိုပေမယ့် မသုံးချင်တော့ပြန်ဘူး။ အဲဒီတော့ ရေနွေးပူပူနဲ့ပဲ ဖျော်ပြီး ရေအေး ပြန်စိမ်ပါတယ်။ ရိုးရိုးရေဆို မြန်မြန်နဲ့ မအေးနိုင်တာကြောင့် ရေခဲသေတ္တာထဲမှာ အအေးခံထားတဲ့ ရေခဲရေနဲ့ စိမ်မှ ခပ်မြန်မြန် ရပါတော့တယ်။ တစ်ခါတစ်လေကျတော့ ကျွန်တော်ဖျော်ရင် ရေခဲရေထဲ စိမ်ထားပြီး အိမ်ရှေ့မှာ Blog ဖတ်ရင်ဖတ်၊ ဒါမှမဟုတ် ရေးရင်ရေးနေလိုက်တာ နောက်ဖေးက နို့ဘူးကို မေ့သွားပြီး နို့တွေက အေးသွားလို့ ရေနွေး ပြန်စိမ်ရပါသေးတယ်။

ကျွန်တော့်ကြောင့်မှ မဟုတ်ပါဘူး။ သူဟာသာသူလည်း အခန်းထဲမှာ ထားတာကြာရင် Air Conditioner ကြောင့် အေးသွားသေးတာပဲ။ ကလေးသောက်ခါနီးဆို ရေနွေးပြန်စိမ်ရပြန်ရော။ အဲဒီတော့လည်း တစ်ခါတစ်ခါ ကြာကြာစိမ်မိသွားပြန်ရော။ အဲတော့ ရေအေးနဲ့ ပြန်စိမ်ရပြန်ရော။ ဖြစ်တတ်ပါတယ်။ များသောအားဖြင့် နို့ဘူးကို ရေနွေးစိမ်ထားပြီး ကလေးကို Diaper လည်းပေးနေရင် ဖြစ်တတ်ပါတယ်။ တစ်ခါတစ်လေကျတော့လည်း ညလည်စာ ဖျော်ထားပြီး ကလေးက အရမ်းအိပ်နေရင် နို့ဘူးကို ရေခဲသေတ္တာထဲမှာ အအေးခံထားရပါတယ်။ နို့ဘူးက ဖျော်ပြီးရင် ၄ နာရီ၊ ၅ နာရီလောက်ပဲ အပြင်မှာထားလို့ရပါတယ်။ ရေခဲသေတ္တာထဲ ထည့်ထားတော့ ၆နာရီ ကျော်ကျော်လောက်တော့ ထားလို့ ရတာပေါ့။ အဲဒါကို တိုက်ခါနီးမှ ပြန်နွှေးတိုက်ပါတယ်။ ပြန်နွှေးတယ်ဆိုတာလည်း လူကြီးတွေလို Microwave နဲ့ မနွှေးရပါဘူး။ ရေနွေးစိမ်ရတာပါ။ Automatic Milk Warmer တွေဘာတွေတော့ ရှိတာပေါ့။ ဒီလောက်လည်း မလိုတော့ မ၀ယ်ထားပါဘူး။ အရေးကြီးတာတော့ ကလေးသောက်တဲ့ အချိန်မှာ အပူချိန်က အမြဲတမ်း တသမတ်တည်း ဖြစ်နေရပါမယ်။ နို့ကအေးနေရင် လေနာ၊ ဗိုက်နာ ဖြစ်တတ်ပြန်ရော။ ကလေးကလည်း သိပါတယ်။ အေးနေရင် မသောက်ချင်ပါဘူး။ အဲဒီလိုနဲ့ပဲ ကလေးနို့ဘူးခမျာလည်း ပူလိုက်၊ အေးလိုက်နဲ့ ပါပဲ။

2 comments:

sawphonelu - 6/27/07, 1:46 AM

ရေးအားတွေ အရမ်းကောင်း နေ ပါ လား ။ ကိုယ့်မှာ တော့ ကုန်ကြမ်းရှာနေ ရ တာ ရယ်၊ အချိန်လု နေ ရတာ ရယ် နဲ့ မရေး ဖြစ် ဖူး ။

Anonymous - 6/30/12, 12:12 PM

လေးစားတယ် ကလေး တစ်ဖက် အလုပ်တစ်ဖက်နဲ့ရေးနိုင်တယ်နော်...အားပေးတယ်ဆက်ရေး

Post a Comment

Many thanks for dropping a comment…

Film