Sunday, February 24, 2008

အခမဲ့ ဗိုက်ကြီးခြင်း - ၂

ဒီလိုနဲ့ ဓါတ်ခွဲခန်းက အဖြေရတော့ ဆရာဝန် (GP) ဆီပြန်သွားပါတယ်။ အဲဒီကျမှ GP က Private ဆေးရုံသွားမလား Public သွားမလား မေးပါတယ်။ ကျွန်တော်တို့က Health Insurance မ၀ယ်ရသေးတော့ Public ဆီပဲ သွားမယ် ပြောလိုက်ပါတယ်။ ကျန်းမာရေး အာမခံက ၀ယ်ထားလည်း ၀ယ်ဝယ်ပြီးချင်း သုံးလို့ ရမှာမဟုတ်ဘူးလေ။ ၁ နှစ်တိုင်သည် ၆လ တိုင်သည် စောင့်ရဦးမယ်။ ဟုတ်တော့လည်း ဟုတ်တာပဲ။ နို့မဟုတ်ရင် လူတွေက မကျန်းမာတော့မှပဲ အာမခံ ထားကြတော့မှာပေါ့။ အဲဒါနဲ့ ကျွန်တော်တို့နေတဲ့ နေရာနားက ခရိုင်ဆေးရုံ (Hornsby Ku-ring-gai Hospital) ကို ညွန်းပေးလိုက်ပါတယ်။ ဆရာဝန်ကတော့ အားပေးတယ်။ သူမှာ သားသမီး ၃ ယောက်ရှိတာ ပထမ ကလေးကိုပဲ Private ဆေးရုံမှာ မွေးတယ်။ ကျန်တဲ့ နှစ်ယောက်ကို အဲဒီ ဆေးရုံမှာ မွေးတာတဲ့။ သူငယ်ချင်း မိသာစုကလည်း အဲဒီဆေးရုံမှာပဲ သူတို့ သမီးလေးကို မွေးတာလေ။

အဲဒီဆရာဝန်နဲ့ ဆေးခန်းကတော့ အိမ်နားမှာ နီးတော့ သွားဖြစ်တယ်။ သမီးတုန် အတွက် ကာကွယ်ဆေး ထိုးဖို့လည်း သွားရ၊ တစ်ခါတစ်လေ ဖျားသလိုလို ဖြစ်ရင်လည်း သွားရတယ်။ စင်္ကာပူမှာ တုန်းကတော့ ကလေးအတွက်ဆို ကလေး အထူးကုဆီပဲ သွားတယ်။ အခုကျတော့ အထွေထွေကုနဲ့ ပြရတာ စိတ်တော့ သိပ်မချသလိုပဲ။ ဒါပေမယ့် စင်္ကာပူမှာ ကလေး ၆ လလောက် အထိပဲ နေတာတောင် တစ်ထောင်ကျော်လောက် အဲဒီ ဆေးခန်းမှာ သုံးခဲ့ရတယ်။ ဒါတောင် မွေးမွေးပြီးချင်း ၃-၄ရက်မှာ အသားဝါလို့ ဆေးရုံတက်ရတဲ့ အတွက် ၁၅၀၀ ကျော် မပါသေးဘူး။ အဲဒီ တစ်ထောင်ဆိုတာ ကာကွယ်ဆေးထိုးတာနဲ့ ပုံမှန် စစ်ဆေးတဲ့ အတွက်ပဲ ရှိသေးတယ်။ ကာကွယ်ဆေးကလည်း တချို့ဟာတွေက ဈေးကြီးပါတယ်။ Rotavirus ကာကွယ်ဆေးတို့ Pneumococcal vaccines တို့ဆို အတော် ဈေးကြီးတယ် ပြောလို့ရတယ်။ သြော်ဇီမှာတော့ ကာကွယ်ဆေးထိုးတာရော အထွေထွေကုနဲ့ ပြတာရောက အခမဲ့ပါပဲ။ Medicare ကပဲ ပေးသွားပါတယ်။

ဆေးရုံက ခရိုင်ဆေးရုံလိုမျိုးဆိုတော့ အတော်ကြီးပါတယ်။ အဆောက်အအုံတွေကတော့ အကြီးကြီးတွေ အသစ်တွေတော့ မဟုတ်ပါဘူး။ ဧရိယာ ကျယ်ကျယ်ပေါ်မှာ ဟိုနားမှာ တစ်ဆောင် ဒီနားမှာ တစ်ဆောင်ပါ။ တချို့ အဆောင်တွေက နည်းနည်းကြီးပြီး တချို့အဆောက်တွေကတော့ လူနေအိမ် သာသာလေးတွေပါ။ ရန်ကုန် အထွေထွေ ဆေးရုံကြီးလိုပဲ အုတ်နီနီ အဆောင်တွေကို မြင်ကြည့်လို့ရပါတယ်။ ကျွန်တော့် မျက်စိထဲမှာ မြင်တာတော့ ရန်ကုန် တက္ကသိုလ်(ပင်မ) အထဲက ဆရာတွေ နေဖို့ ပေးထားတဲ့ အုတ်နီနီ အိမ်ပုလေးတွေလိုပါပဲ။ ခရိုင်ဆေးရုံဆိုပေမယ့် လူလာတာ သိပ်မများပါဘူး။ အေးအေးလူလူပါပဲ။

စင်္ကာပူမှာကတော့ ကျွန်တော် ရောက်ဖူးတဲ့ ဆေးရုံတွေက Public ပဲဖြစ်ဖြစ် Private ပဲဖြစ်ဖြစ် လူတွေက စည်ကား ၀န်ထမ်း နာစ်တွေက အပြေးအလွှားပါပဲ။ စင်္ကာပူမှာတုန်းက သူမ အစာအိမ်ယောင်သလို ဖြစ်လို့ SGH (Singapore General Hospital) ကို ရောက်ရပါသေးတယ်။ အဲဒီဆေးရုံကြီးကတော့ ၀င်းကလည်း အတော်ကျယ်ပြီး အထဲက အဆောင်တွေကလည်း အတော်ကြီးပြီး တချို့တွေက အသစ်တွေပါ။ Health Science Authority တို့လိုမျိုးတွေ National Heart Centre တို့ National ဘာ စင်တာ ညာစင်တာတွေလည်း ရှိပါတယ်။ မြန်မာ နာစ်မလေးတွေလည်း သင်တန်းတက်နေတာ တွေ့ခဲ့ရပါတယ်။ မြန်မာပြည်က ဘူဇွာတွေ၊ အာဏာရှင်တွေ လာလာတက်တဲ့ Raffles Hospital ကိုလည်း လူမမာမေး ရောက်တတ်ပါသေးတယ်။ အလုပ် ကိစ္စနဲ့ CGH (Changi General Hospital)တို့ အသစ်ဆောက်ထားတဲ့ KKH (KK Women’s and Children Hospital) တို့ TTSH (Tang Tok Seng Hospital) တို့ကိုလည်း ရောက်ပါတယ်။ အဲဒီ အဆောက်အဦးတွေကတော့ ဆေးရုံနဲ့ မဆိုင်လောက်အောင်ကို ပျံလန်နေတာပဲ။ စင်္ကာပူမှာ ရောက်ဖူးတဲ့ ဆေးရုံတွေထဲမှာ နည်းနည်း ဟောင်းတာဆိုလို့ NUH (National University Hospital) တစ်ခုပါပဲ။

KKH

TTSH

CGH

စင်္ကာပူမှာ ဆရာဝန်တွေနဲ့ ပက်သတ်ပြီးတော့ သတိထားမိတာတော့ တွေ့ဖူးတဲ့ အထူးကု ဆရာဝန်တွေက အင်မတန် အေးဆေးပြီး စကားပြော ချိုသာ ညင်သာပါတယ်။ ကိုယ်ပြောတာကို သေချာ နားထောင်တယ်။ အချိန်ပေး ဆွေးနွေးတယ်။ ပိုက်ပိုက်ကလည်း အနည်းဆုံး ၅၀ က စပေးရတာကိုး။ တွေ့ဖူးတဲ့ အထွေထွေကုတွေကတော့ အဲဒီလို မဟုတ်ပါဘူး။ ပုံမှန်မေးခွန်းတွေကို စက်သေနတ် ပစ်သလိုမေးမယ် လူကို ဘတ်ဘတ် ဘတ်ဘတ်နဲ့ ဟိုစမ်း ဒီစမ်း အမြန်လုပ်မယ်။ ကိုယ်က ဆွေးနွေးချင်ရင်တောင် ကြည်သလိုလို မကြည်သလိုလိုနဲ့။ အဆိုးဆုံးကတော့ ဗီဇာအတွက် ဆေးစစ်ပေးတဲ့ ဆရာဝန်ပဲ။ ဒီထက် ဆိုးတာကတော့ ဗမာ ဆရာဝန်ပဲ။ တစ်ခေါက်သွားပြပါတယ်။ ဒါတောင် ဗမာဆရာဝန်ဆိုတာ သိလို ရွေးပြီး သွားပြတာ မဟုတ်ဘူး။ နေတဲ့နားက ဆေးခန်းမှာ သွားပြတာ သူက အဲဒီမှာ ထိုင်တာ။ ပထမတော့ ဗမာဆရာဝန်ဆိုတာ သိလိုက်ရလို့ ပျော်သွားတယ်။ နောက်မှ အဲဒီ ပုဂ္ဂိုလ်က အင်မတန် စပ်စုတယ်။ ဟိုမေး ဒီမေးလုပ်။ မေးလို့ ပြောပြထားတော့လည်း အမှတ်မရှိဘူး။ လူကို အလုပ်ကြမ်း သမားလိုလို ဆက်ဆံတယ်။ ပြီးတော့ ပြောသေးတယ်။ ဗမာ ဆရာဝန် ဆိုတော့ ဗမာလို ရှင်းပြလို့ရလို့ လာတာ ကောင်းတယ်တဲ့ တခြားမှာဆို ပြောပြဖို့ မလွယ်ဘူးတဲ့။ တစိတ်တပိုင်းတော့ မှန်ပါတယ်။ ဗမာလို ပြောလို့ရရင်တော့ အကောင်းဆုံးပေါ့။ ဒါပေမယ့် ကိုယ်က ဆေးပညာ စကားလုံးတွေ မတတ်ပေမယ့် တခြားဆရာဝန်တွေနဲ့တော့ ကိုယ်ခံစားနေတာကို ပြောပြလို့ ရပါသေးတယ်။ ကိုယ်တင်မှ မဟုတ်ပါဘူး။ နိုင်ငံခြားရောက်နေတဲ့ ဗမာတွေ အားလုံး ဗိုက်နာ ခေါင်းကိုက်ကတော့ ပြောတတ်ပါတယ်။ ဒီ ဗမာဆရာဝန်တွေပဲ ဗမာတွေကို အထင်သေးပြီး ဆက်ဆံတာ။ မြန်မာပြည်က ရပ်ကွက်ထဲက ဆရာဝန်တွေနဲ့များ ကွာပ။ မြန်မာပြည်မှာဆို ဆရာဝန်နဲ့ လူနာက နည်းနည်းတွေ့တာ ကြာရင် မိသားစုလိုတောင် ခင်သွားတာ။ အဲဒီ ဗမာဆရာဝန်ကို အနာကြည်းဆုံးကတော့ ဆေးထိုးပေးလိုက်တာကိုပဲ။ ဗမာတွေ ဆေးထိုးပေးရင် ရောဂါပျောက်တယ် ဆိုပြီး ယုံထားတဲ့ ငဖျင်းတွေဆိုပြီး ဗမာ ကိုယ်တိုင်က ထင်နေတာကို နာကြည်းတာ။

ထားပါတော့ ဒီလို စင်္ကာပူက အပျံစား ဆေးရုံတွေကို တွေ့ဖူးထားပေမယ့် ဆစ်ဒနီ ဆင်ခြေဖုံးရဲ့ အေးအေးသာသာ အနေအထားကို သိထားပြီးတဲ့ ကျွန်တော်တို့ နှစ်ယောက်အတွက်တော့ ဒီလို အုတ်နီနီ အဆောက်အဦးလေးတွေကို တွေ့လိုက်ရတော့ သိပ်တော့ မအံ့သြပါဘူး။ ပြီးတော့ လာတာကလည်း Information & Technology Science Park လိုမျိုးလည်း မဟုတ်ဘူးလေ။ ဆေးရုံကလည်း ဖြစ်နေတော့ သမားဆို အိုမှ လိုမျိုးကလည်း ဖြစ်နေပြန် အိုတဲ့ ဆေးရုံကပဲ အစဉ်အလာရှိသလို ဖြစ်နေပြန်ဆိုတော့ အဆောက်အဦးနဲ့ ပတ်သက်ပြီး အထွေအထူး မခံစားလိုက်ရပါဘူး။ ကံကောင်းချင်တော့ သားဖွားဆောင်က အသစ်ကြီး ဖြစ်နေပါတယ်။ ပင်မဆောင်နဲ့ တချို့အဆောင်တွေကလည်း တော်တော်သစ်ပါတယ်။ ထုံးစံအတိုင်း အဟောင်းနဲ့ အသစ်ကတော့ ဒွန်တွဲနေတုန်းပါပဲ။ နောက်ပြီး ဒီဆေးရုံ (Hornsby Ku-ring-gai Hospital) က ကုတင် ၁၀၀၀ ဆန့် ဆေးရုံဆိုတော့ အတော်ကြီးတယ် ပြောလို့ရပါတယ်။ တကယ်တော့ ဆေးရုံ မသွားခင် အထွေထွေကု ဆရာဝန်က ဆေးရုံက ဖုန်းဆက်ခိုင်းပါတယ်။ အဲဒီလိုနဲ့ ဖုန်းဆက်လိုက်တော့ လိပ်စာတွေ၊ ကိုယ်ဝန်ရှိတာ ဘယ်လောက်ကြာပြီတွေ မေးပြီး ရက်ချိန်းပေးပါတယ်။ ကြားထဲမှာ သူတို့က ဖြည့်ဖို့ဖောင်တွေကို စာတိုက်က ပို့လိုက်ပါတယ်။ ကြိုတင် ဖြည့်ထားဖို့ရယ် လိုအပ်တဲ့ စာရွက် စာတမ်းတွေ စုထားဖို့ မှာထားပါတယ်။ ဆေးရုံရောက်တော့ Admission အရင်လုပ် ပြီးတော့မှ သားဖွားဆောင်ကို သွားရပါတယ်။

(ဆက်ရေးမည်။)

4 comments:

Anonymous - 2/24/08, 4:30 AM

I think you dont have to feel a fuss about that loser as he or she is showing off his own insecurity and inferiority complex. I mean it is natural for the some folks to patronize on new comers as if they have conquered the earth or the world is theirs to play. It is natural for pygamies to play giants.

Andy Myint - 2/25/08, 10:26 PM
Nice talking.. right.. no hard feeling to such person..
Anonymous - 3/10/08, 5:48 AM

There are two major problems in overseas Burmese (and other minorities) communities in more affluent countries.

1) New comers are not prepared for challenges in the promised land. They think opportunites will come by while they are waiting at home.

2) Those who arrived earlier, relatively established (to new comers) may try to patronize or exploit or mis inform new comers.

In UK, an Chinese (all Non Indian Asians are called Chinese in UK) student, professional or business traveller might receive the worst treatment from an Asian waitress or waiter in a quite posh restaurant or even some cheap Asian eatries outlets.

In United States, those who have immigrated earlier will de-moralize new comers that without a local education, one will never make it, and will even suggest a Master degree holder with some professional experience to enroll in a community colleges those offer AGTI or Polytechnic level education.

Some tactics for a new immigrant who try to make it in new land to thwart those unwanted insults are to get a good job, to buy a biger house, to drive a better car, to dress well, to groom a superior manners, to fake a native accent, to show off with conspcious spending. But those may not worth to give a shit to fellow Burmese or Asians or blacks or whites as at the end of the day, it is you who matters.

So while new commers should strive hard to improve themselves and their families and friends, seniors should be more supportive and less negative towards new comers. You dont have to let them stay at your home if you worry that you wake up in the middle of the night hearing some noises in your daughter's room, but you can always morally support them and at least dont de motivate them. Afterall you were in their shoes not long ago. Weren't you?

Andy Myint - 3/11/08, 9:51 AM
Dear Reader, many thanks for long comment and explaining issue and culture in UK & US. It gives me some thoughts. Thanks again.

Post a Comment

Many thanks for dropping a comment…

Film