Saturday, February 09, 2008

ရက်ရ်ှဒီအတွက် ဗလင်တိုင်းကတ်

သင်ဟာ Valentine's Day မှာ လက်ဆောင်ကတ် တစ်ခု ရချင်မှ ရမယ်။ အိန္ဒိယနွယ်ဖွား ဗြိတိသျှ ကပြား အင်္ဂလန် နိုင်ငံသား စာရေးဆရာ ရက်ရ်ှဒီ (Salman Rushdie) ကတော့ ကတ် ပုံမှန် ရလေ့ ရှိပါတယ်။ သူဒီလို ရလာတာ ၁၉၈၉ ခုနှစ် ပြီးကတည်းကပါ။ ဒီလိုရအောင် အစ ပြုပေးသူကလည်း နယ်နယ်ရရ ပုဂ္ဂိုလ် မဟုတ်ပါဘူး။ အဲဒီ အချိန်က အီရန်နိုင်ငံက ဦးသျှောင် ခိုမေနီ (Ruhollah Khomeini) ကိုယ်တိုင်က အမိန့် ထုတ်ပြန်ထားတာပါ။ ဘာသာရေးကို စော်ကားတဲ့သူ အတွက် သေမိန့် ဆိုပြီး ခိုမေနီက ကမ္ဘာ အရပ်ရပ်က မူဆလင် ဘာသာအပေါင်းကို နှိုးဆော်ထားတာပါ။ ဒီလို ဖြစ်ရတာလည်း သူရေးတဲ့ စာအုပ်တစ်အုပ်က မူဆလင်ဘာသာဝင်တို့ ကိုးကွယ်ရာ တမန်တော် မိုဟာမတ်အကြောင်းကို မှားယွင်းစွာ သရုပ်ဖော် ရေးထားလို့ပါတဲ့။ အဲဒီ အချိန်ကစပြီး သူဟာ နှစ်စဉ် နှစ်တိုင်း ဗလင်တိုင်းနေ့ ရောက်တိုင်း ခြိမ်းခြောက် သတိပေးစာ ကတ်ပြားတွေ ပုံမှန် ရလေ့ ရှိပါတယ်တဲ့။

သူ့ရဲ့ စတုတ္တမြောက် ၀တ္တုဖြစ်တဲ့ ``နတ်ဆိုးရဲ့ အပိုဒ်များ´´ (Satanic Verses) စာအုပ်ဟာ ၁၉၈၈ မှာ ထွက်ပြီးနောက် ကမ္ဘာ အရပ်ရပ်က မူဆလင် ဘာသာဝင်တို့ဟာ ဒီစာအုပ်ကို အပြင်းအထန် ကန့်ကွက် ဆန္ဒပြကြပါတယ်။ အဲဒီနောက် အီရန် ဘာသာရေး (နဲ့ နိုင်ငံရေး) ခေါင်းဆောင် ခိုမေနီက ၁၉၈၉ ဖေဖော်ဝါရီ ၁၄ ရက်မှာ ရေဒီယိုကနေ သေမိန့် ချလိုက်ကြောင်း ကြေညာလိုက်လို့ ဆယ်နှစ်လောက် ပုန်းလျှိုး ကွယ်လျှိုး နေလိုက်ရပါတယ်။ အင်္ဂလန်နိုင်ငံက သူ့ကို အကာအကွယ် ပေးထားလို့ ဒီကိစ္စနဲ့ ပက်သတ်ပြီး အင်္ဂလန်နဲ့ အီရန် နှစ်နိုင်ငံ အကြားမှာ သံခင်း တမန်ခင်းတွေ ပြတ်တောက်တဲ့ အထိ ဖြစ်ကုန်ပါသေးတယ်။ နောက်တော့ ၁၉၉၈ မှာ အီရန်သမ္မတ (သမ္မတ သက်တမ်း ၁၉၉၇-၂၀၀၅) ခါတာမီ (Mohammad Khatami) က ဒီအမိန့်ကို ထောက်လည်း မထောက်ခံဘူး။ တားမြစ် ပယ်ဖျက်ခြင်းလည်း မလုပ်ဘူးလို့ ဆိုပါတယ်။ တခါ ၂၀၀၅ နှစ်ဆန်းမှာ အီရန် ဘာသာရေး ခေါင်းဆောင် ခါမေနီ (Ayatollah Ali Khamenei) က ဒီအမိန့်ကို ထပ်လောင်း အတည်ပြုလိုက်ပြန်တယ်။ အီရန်နိုင်ငံကတော့ ဒီအမိန့်ကို ဖျက်သိမ်းပေးဖို့ တောင်းဆိုတာကို မလုပ်ပေးနိုင်ပါဘူး။ ဘာဖြစ်လို့လဲဆိုတော့ ဒီအမိန့်ကို ထုတ်ထားတဲ့သူ ကိုယ်တိုင်က ဖျက်သိမ်းမှ ရမှာ ဖြစ်ပြီး အဲဒီသူဟာ ကွယ်လွန်ခဲ့ပြီ ဖြစ်လိုပါတဲ့။ ဒါကြောင့်မို့လို့ ယနေ့တိုင် သူဟာ ဗလင်တိုင်း နေ့တိုင်း ဒီအမိန့်ကို သတိပေးထားတဲ့ ကတ်တွေ ရနေသေးတာပါ။ ဒါပေမယ့် ပါကစ္စတန်မှာနေတဲ့ သူမိသားစုနဲ့ သူ့အမေဟာ ဘာအနှောက်အယှက်မျှ မရှိတဲ့ အပြင် အကူအညီတွေတောင် ရသေးတယ်လို့ သူက ဆိုပြန်တယ်။

မူဆလင် ဘာသာဝင်တို့ အထွတ်အထိပ်ထားရာ ကိုရန်ကျမ်း (Qur’an / Koran)ရယ် တမန်တော် မိုဟာမတ်နဲ့ ပက်သတ်တဲ့ အချက်အလက်ကို မှားယွင်း ဖော်ပြထားသလို ဖြစ်လို့ ဒီလို အငြင်းပွားဖွယ် ဖြစ်စေတာပါလို့ ဖတ်ရပါတယ်။ တကယ်တော့ အဲဒီ ၀တ္ထုဟာ မူဆလင် ဘာသာအကြောင်း ရေးထားတာ မဟုတ်ပါဘူး။ အင်္ဂလန်ကို ဌာနေပြောင်းပြီးမှ ကိုယ့်နိုင်ငံကို ပြန်လာတဲ့ အိန္ဒိယ နိုင်ငံသား နှစ်ယောက် အကြောင်းကို အခြေခံပြီး ရေးထားတာပါ။ တချို့ကတော့ သူ့စာအုပ်ဟာ နိုင်ငံကူးပြောင်းသူတွေရဲ့ အိပ်မက်ဆန်ဆန် တောင်ရောက် မြောက်ရောက် လမ်းပျောက်မှုတွေ၊ နိုင်ငံပြောင်းသူတွေ ယဉ်ကျေးမှု နှစ်ခုကြားမှာ ရင်ဆိုင် ကြုံတွေ့ရတဲ့ ကိုယ်ပိုင် လက္ခဏာ (Identity)၊ ဖယ်ကြဉ်ခံရမှု (Alienation)၊ ထုံးတမ်းစဉ်လာနဲ့ ကိုက်ညီမှု (Conformity) တွေကို ခြယ်မှုန်းထားတာပါတဲ့။ အနောက်တိုင်းရဲ့ ရုပ်ဝတ္ထုဆန်မှုတွေကို ပြင်းပြင်းထန်ထန် ဝေဖန်ထားတာပါတဲ့။ ဒါပေမဲ့ တခြား အငြင်းပွားဖွယ် အချက်ကတော့ သူက ဇာတ်ကောင်တွေ တော်တော်များများ ဒေသတွေရဲ့ နာမည်တွေကို ဘာသာရေး ဖြစ်စဉ်တွေထဲက အမည်နာမတွေနဲ့ နည်းနည်းလေး လွှဲပြီး ပေးထားတယ်လို့ ယိုးစွပ်ကြပါတယ်။

ဒီလူကလည်း ဒီစာအုပ်မှာမှ မဟုတ်ပါဘူး။ တခြား သူ့ရဲ့စာတွေဟာလည်း အငြင်းပွားဖွယ်တွေ ဖြစ်စေတယ်တဲ့။ စာအုပ် တစ်အုပ်မှာ အင်ဒီရာဂန္ဒီနဲ့ မျက်မှောက် အိန္ဒိယနိုင်ငံ အခြေအနေကို တိုက်ခိုက်ရေးသားထားပြီး နောက်တစ်အုပ်မှာ ပါကစ္စတန်နိုင်ငံရဲ့ နိုင်ငံရေး ဦးဆောင်မှု အကြောင်း၊ နောက်တစ်အုပ်မှာ အမေရိကန်နိုင်ငံရဲ့ နိုင်ငံခြားရေး မူဝါဒတွေကို ထိခိုက် ရေးသားထားတယ်လို့ ဝေဖန်သူတွေက ဆိုကြပါတယ်။

ပီးခဲ့တဲ့ နှစ် (၂၀၀၇) ကမှ သူ့ရဲ့ စာပေဆိုင်ရာ စွမ်းဆောင်မှုအတွက် ဆိုပြီး ဗြိတိန် ဘုရင်မကြီး ကိုယ်တိုင်က ဆာဘွဲ့ (Knight Bachelor) အပ်နှင်းခဲ့ပါတယ်။ ဒီလို ချီးမြှောက်တာကို အီရန်နဲ့ ပါကစ္စတန်က အပြင်းအထန် ကန့်ကွက်ပြီး၊ ပါကစ္စတန်နဲ့ မလေးရှားမှာ လူထု ဆန္ဒပြ ကန့်ကွက်ပွဲတွေ ဖြစ်သွားစေပါတယ်။ သူ့ဟာသူတော့ စာပေနယ်မှာ အောင်မြင်ပြီး Booker ဆုလို ဆုတွေလည်း ရခဲ့ပါသေးတယ်။ မူဆလင် ဘာသာဝင်အဖြစ် ကြီးပြင်း လာခဲ့ပေမယ့် ဘာသာရေး သွေလှန် ဖောက်ပြန်သူ အဖြစ် သတ်မှတ်ခံထားရပါတယ်။ ကမ်းဘရစ် (Cambridge University) ဘွဲ့ရခဲ့ပြီး အမေရိကန် တက္ကသိုလ် တစ်ခုမှာ ဆရာ ၀င်လုပ်နေပါတယ်။


ဝန်ခံချက်
ကျွန်တော် ဒီစာအုပ်ကို မဖတ်ဖူးပေမယ့် ဂျူး ဘာသာပြန်ဖူးတဲ့ ဘရစ်ဂျက်ဂျုန်းရဲ့ ဒိုင်ယာရီ ရုပ်ရှင် တီဗွီမှာ လွန်ခဲ့တဲ့ နှစ်ရက် သုံးရက်လောက်က လာတုန်းက အဲဒီထဲမှာ စာအုပ် တစ်အုပ် မိတ်ဆက်ပွဲ အခမ်းအနားမှာ ရက်ရ်ှဒီကိုယ်တိုင် သူကိုယ်တိုင်အဖြစ် ပါဝင် သရုပ်ဆောင်ထားတဲ့ ဇာတ်ဝင်ခန်း တစ်ခန်း ကြည့်မိကာ သူ့အကြောင်း လွန်ခဲ့တဲ့ နှစ်တွေက နွယ်နီလို မဂ္ဂဇင်းမှာ ဖတ်ဖူးတာ သတိပြန်ရပြီး အင်တာနက် (အထူးသဖြင့် Wikipedia) မှာ သူ့အကြောင်းကို ပြန်လည် ရှာဖွေ ဖတ်ရှုပြီးနောက် ဗလင်တိုင်းနေ့နဲ့လည်း နီးနေတာနဲ့ ကိုယ်ရေးတဲ့ စာတစ်ပုဒ် စာတစ်အုပ်ကြောင့် ဘာသာကြီးတစ်ခုကို စော်ကား အနှောက်အယှက်ပေးသလို ဖြစ်သွားပြီး တစ်သက်လုံး အသက်ဘေးကို စိုးရိမ် ကြောင့်ကြနေရတဲ့ သူတစ်ယောက် အကြောင်းကို ဗဟုသုတ ဝေငှခြင်း သက်သက် အကျိုးငှာ ရေးဖြစ်သွားတာပါ။ အချက်အလက်များ မတော်တဆ မှားယွင်း ဖော်ပြမိရင် တောင်းပန်ပြီး အမှန် ပြင်ပေးဖို့ တောင်းဆိုလိုက်ပါတယ်။

7 comments:

su - 2/9/08, 11:49 PM

well...i do know that book is banned in SG. :)

Andy Myint - 2/11/08, 10:06 PM
Yeah, it's not surprising given the facts that SG is trying to keep the multi-racial harmony and has control on media and expression.
Thet Oo - 2/28/08, 3:19 AM

ကာတွန်းရေးတဲ့သူကလည်း တော်လိုက်တာ.. ဘလော့ရေးတဲ့သူလည်း တော်ပါတယ်... ဘလော့ကောင်းတခုပါ...

Anonymous - 3/1/08, 9:07 AM

I think Singapore is practising pragamatism and sacrificing free speech. Perhaps self censorship for prosperity. I read Salmon Rushie's "Satanic Verses" and I did not think that he is a good author and may be my literacy skills are dismal, I did not understand at all.

But following booklet is a good one to read and you can download from the link below.

http://www.aei.org/books/bookID.893/book_detail.asp

Andy Myint - 3/5/08, 11:53 PM
Dear Reader, I appreciate your comment and thank you for sharing ebook. I will also read Rushdie's book one day if I have a chance.
Thet Oo - 4/1/08, 7:49 PM

Have you seen "Fitna"?

Andy Myint - 4/2/08, 11:16 PM
Nuh, I haven't. The link I know is broken.

Post a Comment

Many thanks for dropping a comment…

Film